立場新聞 Stand News

頭搖又尾擺 真相去咗邊?

2018/7/6 — 13:29

本土研究社製圖

本土研究社製圖

特首林鄭月娥兩個月內極速變臉,而家日日出嚟撐填海,仲指令土地供應小組要提早總結民意,等佢十月施政報告有貨交。唔知專責小組主席黃遠輝係咪因此受得太大壓力呢?我哋發覺佢變得仲快,兩日之間已經完全唔同講法:

睇返 7 月 3 日《信報》,佢話「諮詢期內,小組每月都有分析意見,相信最快 9 月初可得出大方向,然後交予特首考慮。」

到今日上電台節目,佢又改口稱「小組在 9 月 26 日公眾諮詢期結束後才開始分析數據和撰寫報告,按原定計劃 12 月提交報告已十分急趕,故無可能在 9 月提前交出方向性建議。」仲話自己「從無預計 9 月就要交出方向性建議。」

廣告

咁到底「諮詢期間每月分析市民意見」呢件事有無發生過呢?9 月又會唔會無端端有個未諮詢完的「大方向」走咗出嚟?係《信報》quote 錯、定係有人講完唔想認?俾返市民一個交代好喎!

 

廣告

資料來源:
7 月 3 日《信報》〈林鄭率先表態 支持填海增土地〉
7 月 5 日《蘋果日報》即時新聞:【土地供應】黃遠輝指特首意見不能凌駕大多數 不會「黑寫成白」

原刊於本土研究社 Facebook

發表意見