假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/1/22 - 14:59

難分大腦定腦細

資料圖片:羅致光

資料圖片:羅致光

曾經,有個人被稱作民主黨大腦。講緊當然就係 IQ 160 的羅致光。我唔知點解佢會做到民主黨大腦,可能佢 IQ 高,但淨係要 IQ 高的話去些甚麼資優學生會度求其「的」個人都有啦。如果講業績,好似佢做咁多年大腦民主黨的表現就一年衰過一年,根本就係腦細,晨早該炒。基本上,我懷疑羅致光做大腦/腦細係拖累民主黨,所以我覺得民主黨應該開香檳慶祝依個大腦/腦細去咗 777 度,輪到 777 受其害。我真係恭喜妳呀!

民主黨歷年立法會選舉戰果(議席 / 得票率;直選 only)
1998:9 席(20 席直選)/ 42.9%
2000:9 席(24 席直選)/ 35.0%
2004:7 席(30 席直選)/ 23.7%
2008:8 席(30 席直選)/ 20.7%
2012:4 席(35 席直選)/ 13.7%
2016:5 席(35 席直選)/ 9.2%

777 受咩害呢?長者綜援風波。其實都唔只係羅致光的問題,畢竟有人指出以往政府都有計劃過,再加上有 777 依個乜都要計一餐婆乸數的公務員腦特首,冇羅致光都遲早會咁做。不過至少對我嚟講,件事好笑在,依頭 cut 錢本來係為長遠人口乜乜乜,轉個頭就為咗比親中派有得唔見間廠成功爭取粒糖,又整個短視到暈的就業津貼,好明顯依個政府就冇哂方向,見招拆招。不過 777 係咁㗎啦,口講就天下無敵咩管治新風格,其實咪又係咁。

廣告

話時話我同羅致光有過一面之緣,雖然都係我識佢佢唔識我嗰隻。我仲在港大讀書時,上過佢一堂。我都自問領悟能力高的了,上咁多其他教師(廢唔廢都好)的堂我都明,唯獨是羅致光嗰堂我完全唔知佢噏乜。可能你話人哋 IQ 高,太高層次我理解唔到。可能啦,但我覺得,你屈埋喺房做 research 係一件事,講到教書,講到學生明都應該啩。又或者,純粹我唔係嗰啲唔明就會話「依個人真係高深嘞」嗰隻人。可能民主黨好多依啲人,我唔知。

By the way,壽命延長就要延長長者定義,咁係咪都應該改埋其他嘢?例如 120 歲時,免費教育起碼到 30 歲啦吓話?關愛座起碼 80 歲先坐得啦吓話?唔知衰十一洗唔洗改埋一份?

 

作者網誌