立場新聞 Stand News

萬寧婆婆件事不如咁睇

2018/1/19 — 0:42

圖片來源:Mannings facebook截圖

圖片來源:Mannings facebook截圖

萬寧婆婆件事不如咁睇。

係,萬寧只係報警,萬寧好似好被動咁全面配合警方調查,然後由律政司檢控.,萬寧尊重法治......萬寧講嘅每一句都正確。

廣告

但個問題的根源係:點解你會報警呢?

我唔揣側婆婆的動機,是無意還是有心呢?好難證明,但將心比心,呢個婆婆:

廣告

77歲。

在萬寧工作了十多年。

左眼幾乎失明。

每日做4份清潔工餬口。

再公平啲,我當十多年來,婆婆有時打4份,有時打兩份。

如果我係僱主,你話我聽佢攞咗印花。

正面啲,我會諗,佢真係老眼昏花,佢腦退化,其實佢係應該退休安享晚年但唔得,要打幾份工瞓咁少,放工個人都好累,而印花唔係現金,像膠紙的印花確有機會攞錯。所以,佢第二日交番出嚟,再以佢做咗十多年的品格記錄(當然係唔差先會請佢做十幾年吧),所以,我相信佢係無心嘅,件事就咁了結。

負面啲,我點知你係咪特登攞呢?我就當你一時貪念,但姑念佢77歲老眼昏花,捱幾份清潔都好累,唔知係咪咁樣一時諗歪咗,攞咗啲印花。即使佢第二日交番出嚟,但我覺得誠信真係好重要,我炒咗佢,但唔會報警,因為一個咁大年紀嘅基層惹上官非係好慘嘅事,加上佢都幫公司做咗十幾年,真係老套講句"冇功都有勞",唔係話佢做得啱,但炒佢已係最大懲罰,唔需要報警咁絕。

我已經唔理咩印花值幾錢、保安係咪畀假口供等,我剩係用一個人的良心和睇件事的嚴重程度,我最壞都係炒咗佢,真係要報警咩?

報警的決定,相信只會係同佢有仇想整死佢先做得出吧!

發表意見