立場新聞 Stand News

神算甘乃威 — 有關 2009 年高鐵乘客流量預測

2018/10/2 — 14:22

圖片來源:本土研究社 Facebook

圖片來源:本土研究社 Facebook

2010 年高鐵撥款通過,嗰陣政府話用哂數據模型估到一日平均有 99,000 人次搭高鐵,最終成功昆咗好多香港人上釣,依家真實流量一日得番 4 萬,淪為大白象。

近日我哋翻查番差唔多十年前對高鐵最初個流量估算,想睇下究竟邊個要為估算嚴重失準而負責下台。重讀番啲議會文件,驚見嗰年立法會議員甘乃威,完全估中咗政府嗰條數估大六成,重問番政府如果得番一日 4 萬,咁香港經濟咪大鑊?嗰陣政府仲話好有信心絕對唔會發生。

讀到此,不禁令人發出神奇嘅讚嘆,點解甘乃威可以估得咁精準,簡直係神預言!

廣告

佢嘅估算方法其實好簡單,只不過係將政府之前嘅大型基建計劃慣常高估既比例(即高估 60%),套入去高鐵度計,就得出一日平均 4 萬人次嘅流量。呢個方法,真係仲「科學」過政府搵「獨立」顧問做嘅規劃估算,以後此方法應該大大力推廣!

嗰陣甘乃威曾經要求政府交個預測,如果高鐵人流得番每日 4 萬人經濟負擔有幾大,唔駛問當年梗係俾政府耍走咗啦!但係今日政府估都估唔到,差唔多十年前你以為耍走咗嘅預測,今日就唯有業隨身。

廣告

 

本土研究社 Facebook

發表意見