立場新聞 Stand News

百人冒暑上山 籲保郊野公園 農夫:我努力耕種終於見到螢火蟲

2017/5/29 — 18:21

28/5 大欖郊野公園

百人冒暑上山,籲保郊野公園

農夫:我努力耕種,終於見到螢火蟲

* * *

星期日天上沒一片雲,在毒日下雙手發痛,全程咪眼。但三百多人一家大細,甚至背著 BB,甘冒酷暑結伴行山。

廣告

* * *

廣告

曾先生

曾先生一家三口都來參加,「好多地方都可以用,冇理由向郊野公園埋手。」

* * *

侯先生

「我覺得郊野公園唔應該起樓,亦唔應該叫房協做研究。咁重大嘅政策改變,應該用 proper 嘅方法去做,先攞到大部份市民嘅共識,再做深入研究。而家第一步都未做就去搞研究,我覺得唔啱規矩。」

* * *

郭先生

「司馬昭之心,路人皆見喇。郊野公園唔係受法例保護,防止發展嘅咩?所以要身體力行出嚟。」

* * *

「快啲!快啲!」

香港人多抗拒露面,主辦方召喚合照而未肯至。綠惜地球的朱漢強,和現身的市民唯有動之以情:「好曬呀!快啲!快啲!」

* * *

洪先生

洪先生(Aaron )原是 IT 人,卻毅然去職,躬耕有機農場,原屬白領的他得到一雙農夫的手。耕耘的成果,是見到幾百隻螢火蟲,「由細都未見過咁多隻,真係好靚。」

Aaron 解釋,創辦有機農場,一是免除農藥,二是糧食自給。

「全港只有 1.8% 食物由本地生產,我地要提高產量。」他正研究樂高版的垂直農場,結構恍似鞋櫃,可以放在家中。如是家家戶戶都可栽種簡單的疏菜,提高糧食自給率。

* * *

爬坡 & 妹妹

兩狗的主人都喜與牠們一起行山。「爬坡」的主人對政府決定感憤怒;「妹妹」的主人則說:「如果香港真係再冇地方起樓,諗到郊野公園無可厚非,但而家唔係囉。」

兩狗身材矯健,毛色漂亮,筆者誤以為是什麼名種,但原來都是最常見的唐狗。只要有好主人悉心照料,唐狗絕不輸於給柴柴等萌寵。

* * *

孭 BB 上山!

先生叫野人,太太叫阿牛,孩子叫麥皮。「擔心開左先例,之後就會不斷搵郊野公園搞唔同嘅發展。」

* * *

Cherry & Maggie

Cherry:「搵得房協研究,啲結果通常都附和佢想做嘅嘢;如果報告唔啱佢心意,就會將報告收埋*,直到報告符合自己計劃為止。」

Maggie :「冇可能嘅事唔會做研究,想研究其實已經有預設,對政府有懷疑。」

(註:過去港視及退保,都曾爆出政府篡改報告、及向顧問公司施壓)

 

* * *

後記

最後兩位受訪者找筆者影相,筆者材順道訪問。

原刊於作者 facebook

發表意見