Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2019/1/10 - 16:42

涼薄的 777

林鄭月娥

林鄭月娥

一邊看著行政長官答問會,一邊想著近期的新聞;土瓜灣 71 歲大廈保安員, 通宵當值猝死、 81 歲黃伯殺死中風後癱瘓的妻子、長者綜援門檻提高至 65 歲,然後 777 話自已都超過 60 歲,仍然每日做十多個鐘。

777 的所謂精英思維就係所有政策都有根有據,看數字如何令社會利益最大化,資源要投資在可以生產利益的地方,更用善於理財的說法,減去「不值得幫」的人,既然我都有能力做,你窮咪去打工囉!

蟻民的命真係唔值錢,幾多老人家年老卻無所依靠,只能做體力勞動工作為口奔馳,特首呢份工係你自已揀的,但幾多老人家係無得揀?我曾見過 80 歲仍做外判清潔工的婆婆,酷熱下在垃圾旁開餐,只因手停口停。

廣告

也在熟食市場中遇到兩位 70 多歲的獨居婆婆,喝著自已帶來的水交換情報,由太子到油麻地,邊度有平又大盒的飯。我看時間未到下午茶時段,婆婆應該未食飯,買了湯麵與婆婆分享,之後兩人話好耐無食過麵,因為貴同留唔到下一餐,為慳錢,一個飯要分幾餐食。

政府的錢係要幫情況最差的人,因為需求無限而資源有限云云,但投入巨大資源打造的工程、商機,誰會從中得到利益?小市民有份嗎?一個有承擔的政府,應該努力平衡社會資源的分配,減低貧富懸殊的問題,可惜我地連能阻止惡法及大白象工程通過的議員人數都不夠。

最討厭一些精英覺得自己成功,能打破貧窮全憑自已努力而忽略當時社會環境、階級向上流機會以及家庭結構轉變等因素,都令社會變化極大,蟻民基本上有生活,卻無質素可言。

如果你屋企長者唔識用八達通、唔知邊道買廁紙,你可能已經捉佢睇醫生,睇吓係咪開始腦退化,但呢位 777 卻做了特首,穩守堅離地特區。