立場新聞 Stand News

【承認了】前海希望起多條高鐵ㅤ聯通東大嶼

2019/3/22 — 20:20

洪為民,圖片來源:珠海廣播電視台片段截圖

洪為民,圖片來源:珠海廣播電視台片段截圖

噚日我哋揭露咗深圳前海展示廳內嘅「粵港澳大灣區交通運輸系統圖」暗藏玄機,就係未來仲諗住再起另一條「高鐵支線」、由深圳前海直插東大嶼人工島,消息一出震驚香港人,並且引來不少媒體報導,連前海管理局都要急不及待出來回應。

今日前海管理局香港事務首席聯絡官洪為民就透過《大公報》《文匯報》回應,表示確係想建高鐵接駁香港東大嶼,並指依件事係「前海方面希望與香港互聯互通的想法之一」,仲話「如果未來前海聯通東大嶼,方便香港居民到前海通勤工作」係值得研究探討。

當個政府成日講到起東大嶼人工島係為大家好、為大家有屋住,唔起就對唔住劏房戶咁,原來都係為咗同大陸「打通門戶」,方便跨境聯通。咁話响東大嶼要起嘅 26 萬間屋、商業樓面嚴重供過於求* 嘅第三個核心商業區,到底係為滿足香港需求,定係迎合大陸?不斷壓逼香港人生活空間同質素、隨時耗用萬億公帑,只為配合國策來「造大個餅」,咁造多幾多個人工島都唔夠啦?

廣告

* 據規劃署《香港 2030+》研究,核心商業區的甲級寫字樓面面積長遠只有 106 萬平方米短缺,但政府計劃於 1,000 公頃東大嶼人工島提供400萬平方米商業樓面面積,嚴重供過於求下仍假設商業賣地價高企,被質疑自相矛盾。

 

廣告

#不認不認還須認 #其實國家已計劃好 
#圖都出哂但話未規劃 #呃鬼食豆腐 #先例何其多

⚔️ 踢爆溶合規劃 請支持本研規劃研究
💪 了解更多 

本土研究社 Facebook

發表意見