立場新聞 Stand News

我點睇HPV疫苗?

2018/5/23 — 17:08

資料圖片 l Government of Prince Edward Island @ flickr —Attribution-NonCommercial-NoDerivs 2.0 Generic (CC BY-NC-ND 2.0)

資料圖片 l Government of Prince Edward Island @ flickr —Attribution-NonCommercial-NoDerivs 2.0 Generic (CC BY-NC-ND 2.0)

有人問我點睇(編按:作者就一篇有關HPV疫苗的Facebook帖文作出回應)…… 雖然我而家有啲忙,但都可以講下嘅。

第一點,都係嗰句啦,獸醫都係醫療界專業人士,make任何statement之前最好都係搵返啲資料來源啦。不過我自己做嘅research就話比我聽個風險其實都係合理水平,詳情可以睇呢篇文,sorry我真係無咩時間慢慢搵資料同啲唔講證據嘅人評論。

第二點,佢講得啱,HPV有好多種,但有超過70%子宮頸癌都係由疫苗對付嗰幾種病毒引致嘅,其實係人類對付癌症嘅角度嚟講已經係非常高嘅數字。好多人細細個嘅夢想都會話想做科學家,想醫好癌症;而家我哋有得打針預防癌症,其實係一大進步(呢句唔係我講嘅,係我某位professor講嘅)。

廣告

第三,HPV疫苗當然係有性行為前打最好,但係就算你已經有性行為甚至可能已經感染咗一種HPV病毒,而家嘅N價疫苗都可以保護你唔好感染到剩低其他幾種HPV。所以點都唔會完全無用。至於會唔會打完針之後反而更容易導致病變,我反而想睇下佢嘅evidence,真心求教。

順帶一提,有關子宮頸抹片檢查,可以好似佢講年年做梗係最好㗎。但係官方嘅講法係頭兩年做咗都係正常之後,每三年檢查一次都OK。

廣告

其實我冇收藥廠錢,鼓勵大家接種疫苗我又唔會分到錢嘅。我都鼓勵大家根據自己嘅健康情況、經濟負擔能力去做決定。但可以分享兩樣係日內瓦嘅見聞:

一、喺某個會議上有藥廠話研究疫苗對佢哋嚟講係最蝕錢嘅,因為投資高但回報低,仲會失去咗啲potential嘅癌症藥物收入(嗰啲先賺得多),佢哋研究疫苗完全係因為社會責任。呢句說話係真係假大家自己衡量啦。

二、overlay喺screencap上面嘅相係世界衛生組織總部出面嘅雕像,係一個醫生幫排緊隊嘅小朋友接種天花疫苗。而家全世界有幾多人有天花?零。

作者製圖(圖片來源:作者 Facebook)

作者製圖(圖片來源:作者 Facebook)


標題為編輯所擬,原刊於作者 facebook

發表意見