立場新聞 Stand News

對唔住,唔小心睇咗港姐

2017/9/4 — 11:34

2017香港小姐冠軍 雷莊𠒇,圖片來源:TVB片段截圖

2017香港小姐冠軍 雷莊𠒇,圖片來源:TVB片段截圖

對唔住,唔小心睇咗港姐

唔好問點解要睇,周末睇電視呢家嘢,好多時自己控制唔到,總之好不幸睇曬全程。

第一觀感:這麼醜的妞!(唔信自己search下)又今年無啦啦扮有新搞作,成日要班候選港姐上網做直播,老老豆豆,開個IG,星馬泰日韓台求其搵條女,講樣講身材都贏你幾條街,何苦自曝其短。

廣告

不過算,靚唔靚呢啲各花入各眼,選美啲女唔得雖然係死罪(唔好飛咗去物化女性之類唔該),但真正出事嘅係個program。

一開始10個佳麗各自係塊布景板後面,1對1battle「做live」鬥多「心心」。喂阿哥,做live唱歌嘅好聽、鬧人嘅兇狠,食嘢嘅雪雪聲、跳艷舞嘅坦蕩蕩,係基本要求,你班港姐「做live」,唱歌難聽、跳舞肉酸,算,仲要「保持形像」扮到好高貴好elegant,做咩撚嘢?

廣告

好啦做完live,10個入面有5個多心心,贏咗,個個都有10萬個心心以上(真係咁多人睇Big Big Channel香港真係無得救),你以為呢5個就會晉級?錯晒,係完全無關嘅,結果都係個班「評審」決定嘅,邊個評,咪又係阿叻Do姐草蜢同三哥,老人院選主席咩。

重點黎啦,評審就有8個(好似係唔撚記得總之係雙數),呢班人前後投咗3次票,10進8、8進5、揀冠軍,我屌你老母有兩次打和!

明知要投票簡單多數分勝負,邊尻個天才決定評審人數係雙數?係咪玩嘢拖佢出去斬啦!你7個人投票咪唔撚會次尻次都打和扮緊張囉。不過俾你估到就唔係食神啦,TVB又發明咗樣嘢叫「校長」票(定係班長唔撚緊要),總之就係你老味打和嘅話,呀校長,即係港版MJ Do Do姐,一票變兩票!

明明舊年定前年仲搞緊一人一票選港姐,雖然個server死撚咗,都叫嘗試過努力過呀,今年你同我倒退番去阿Do姐「一個人一票」決定,咁不如一開始直接叫阿Do姐自己揀算撚數啦,反正香港人無撚得選特首、選完議員都會俾人DQ,有咩風浪未見過。

講開,TVB為咗縮短個show趕時間,真係好撚有心。話說去到8進5個陣,已經10點有多,明明10點半要交場播訊號王套劇,心諗,半個鐘你選得完?

結果,死淨所謂5強之後,每人有1分鐘講感受,然後…就無然後,直接宣布三甲!What?如果我係5強無啦啦死咗個兩個,我會即場爆粗走囉,你家陣玩尻我呀?

又當以為去到3甲,循例都會出嚟講兩句fing兩下,扮下俾Do姐觀察下,少年你都係太年輕,佢夠膽死直接宣布季軍!即係由8強開始,直入5強3甲季軍無撚停過!最後淨低個兩個,交俾評審「投票」選冠軍,玩撚完! 10點半完場收工,好高效!

其實講到尾,既然咁撚趕又唔想搞,不如咪撚搞,留番啲時間做下流行經典10000年或者叫隻馬騮帶住班細路跳舞咩尻都好,無人介意你唔搞港姐架,反正香港小姐唔係代表香港,亞洲小姐都代表唔到亞洲,完。

 

標題為編輯所擬;作者 facebook

發表意見