立場新聞 Stand News

土地大辯論 幕後演員名單

2018/9/25 — 11:34

本土研究社製圖

本土研究社製圖

Closing credits of the "Big Land Debate"

昨日(24 日)土供組繞過土地大辯論嘅最終民意報告,幫林鄭月娥度身訂造出咗一份《初步觀察報告》, 話綜合咗民意俾特首參考做施政報告,咁究竟觀察咗咩民意嚟㗎~ 睇過?

唔留心睇好似好客觀中立,但仔細 fact check 番,噢,原來又係自己 quote 番自己友啲意見扮做民意,又係強暴民意嘅又一傑作!

廣告

報告裡面話有「基層代表」及「工商團業團體」支持填海,查番呢個民意係邊個,其實咪就係土供組成員何喜華同老董個團結香港基金。(乜又係你呀何生,你又一次幫政府立咗大功啦!)

廣告

話有「基層團體」支持開發郊野公園,原來又係土供組嘅成員王坤。邊位「市民」咁叻提用可加可減機制發展郊野公園,查番又係土供組嘅成員吳祖南嘅建議。

講到公私合營嘅建議,初步觀察報告話「社會普遍認同」喎。有冇攪清楚呀,成個土地大辯論社會普遍係支持政府收番啲地產商囤積農地,你話社會普遍認同係指林鄭月娥同四大地產商?

仲有,明明收番粉嶺高爾夫球場已經係民意所趨,但偏偏個報告就話觀察到社會意見「兩極化」(黑人問號?),講到好似係冇主流意見咁。駛乜話有「體育界」同「政商界人士」有唔同意見,其實根本咪就係阿叻同張宇人個班權貴囉。

一早話你有既定立場自編自導㗎啦!不過可唔可以專業少少呢一眾嘅演員?精神啲,臨時演員都係演員嚟。

 

土地供應供應專責小組《初步觀察報告》
😉《好誠實研究》全文下載
打小人講真話 月捐撐起土地研究

本土研究社 Facebook

發表意見