立場新聞 Stand News

土地大辯論?一早分哂豬肉啦

2018/5/29 — 15:36

本土研究社製圖

本土研究社製圖

港鐵昨日下午宣佈下月底加價 3.14%。港鐵一邊話冇錢加價,但另一邊在大嶼山小蠔灣大塊地起中低密度豪宅搞地產項目。香港成日話冇地起公屋,佢就拎咗成個現為港鐵車廠用地 30 公頃上蓋,規劃大綱將容許港鐵在車廠上蓋興建 14,000 個豪宅單位。假設一個單位賣 1,000 萬俾港鐵賺三成,就會係 420 億嘅土地利益!

小蠔灣規劃大綱圖旁邊,對出 60 至 80 公頃嘅新填海區,最新嘅規劃係做數據中心、實驗室、高等教院同 3,500 個低密度豪宅,冇錯呀,成百幾公頃嘅新區係一間公屋居屋都冇,一間公屋居屋都冇呀!

政府在土地大辯論成日話填咗個海係俾劏房5歲細路。大家唔該睇清楚個規劃啦,依家話要發展大灣區,小蠔灣隔離就係港珠澳大橋個落腳點,你估啲工作係咩人做,啲豪宅係俾咩人買呀?可以幾肯定成個大橋通車後將會變咗境外專才區同埋物業炒家天堂,借你哋香港人的居住慘況合理化俾港鐵起豪宅同填海俾境外專才。

廣告

港鐵去年利潤為 105 億,除了經常業務佔 85 億,值得留意的是當中 19 億來自地產收益,按年增 2.6 倍,小蠔灣車廠嘅發展真係成事,將會進一步為港鐵帶來龐大嘅土地利益。

小蠔灣港鐵個規劃正好低調咁在城規會申述,今日唔俾意見就冇機會啦!請大家踴躍網上提交申述,唔會俾港鐵略奪哂我地嘅土地資源呀。

廣告

立即提交申述:http://bit.ly/2sey7cF

 

#港鐵日日賺 #土地大辯論

原刊於本土研究社 Facebook

發表意見