立場新聞 Stand News

再談「失職應下台」

2018/10/8 — 10:34

圖片來源:浸信會沙田圍呂明才小學網頁

圖片來源:浸信會沙田圍呂明才小學網頁

想借「沙呂小學事件」再談「失職應下台」這題目。我在八月九日評港鐵事件八月三十日講誠信嘅po,其實都已經分享過,但這題目太重要,所以講完又講!

有些人無做好本份(無盡職,即是失職)但厚顏無恥,點都唔肯自願落台。而做老細嘅又船頭驚鬼船尾驚賊,除非證據確鑿,就快拉得,否則唔敢炒人!結果公眾失望,機構信譽盡失,專業操守道德淪亡。

每個崗位,都有一套準則判斷當事人有無盡職、是否失職。怎樣判斷呢?一般公司治理和監控設計,都要求員工必須跟指引辦事、保存清楚紀錄及帳目、申報利益衝突等等。這些要求可說是天經地義,用來確保員工盡其本份!只要違反了這些要求,員工就無法證明自己清白,就已經是失職。如無合理解釋,就炒得。炒了之後,是否需要報警,是另一回事。

廣告

以銀行盤房為例,為了防止交易員企圖對交易紀錄「做手腳」,一般會禁止交易員跑到後台的交收部門,犯此天條者即炒 ,重點係唔需要理會交易員入去做乜。

沙呂小學件事的實情,可能要教育局和該校的法團校董會才知道。但假如報章所載的是事實,以盡職標準評核,沙呂小學的校長和涉事教師都應該馬上炒得,因為佢哋嘅行為完全達唔到一個真心盡職人員的水平。「炒魷」這決定,是基於他們違反指引和監控要求,根本不需要理會他們有沒有騙取任何利益,而這點跟報唔報警嘅關係多啲。

廣告

今次係我第三次提倡以「專業盡職」這標準去問責。過去多年,市民大眾輸了,輸到只能以嘲笑和責罵發洩,慢慢忘記了應有的標準,結果被厚顏無恥的人過骨了(請看八月三十日嘅po),我覺得很可悲。

最後,再一次多謝大家咁幫手,share 住房問題(一)個 po。明天出第二篇,請幫忙繼續 share 出去,希望多些人能想想這非常重要嘅問題。同時希望大家積極留言分享一下你對住房問題的意見!

 

(標題為編輯所擬,原刊於貼地風管 Facebook 專頁)

發表意見