立場新聞 Stand News

今天的娥打倒昨天的娥?

2018/7/5 — 12:33

本土研究社製圖

本土研究社製圖

特首林鄭月娥連日來以強橫氣勢表態撐填海,諮詢做到一半、電話抽樣民調都未做就話「社會上不少人認為填海造地是最好方案」。仲要求本來年底交諮詢報告的土地供應專責小組,要提早於 9 月總結民意,等佢 10 月施政報告唔會「交白卷」。

林鄭甚至講到明:「我希望土地小組的討論能得出這結論,不用再討論,就填海啦。那我就立刻上枱,(填海工程)撥款申請全部喺哂度」。(7 月 3 日《信報》

當被質疑政府是否就土地供應選項有哂前設、影響諮詢,佢就話政府官員應有自己看法,不應迴避土地供應問題。「我認為現今香港社會有甚麼可能因特首說了自己看法或意見,可以左右到社會討論?」(7 月 4 日《頭條日報》

廣告

咦,之但係佢兩個月前明明唔係咁講㗎喎!我地睇返 5 月 8 日嘅《明報》報道:「特首林鄭月娥今早出席行政會議前表示,由於已進入辯論、諮詢階段,她作為特首,不想捲入『哪個方案好,哪個方案得』的問題。……林鄭月娥又說,其中一個土地選項涉及私人遊樂場,民政事務局亦正就此諮詢,故她不認為應該現時發表自己或政府的取態。」

究竟係咩驅使佢前言不對後語?係發現扮中立都呃唔到市民、定係收咗 order 要做嘢呀?

廣告

 

原刊於本土研究社 Facebook

發表意見