立場新聞 Stand News

聲援政治犯遊行(一)

2017/8/21 — 17:06

月前的遊行中,有市民贈送囚衣予戴耀廷,他笑著接受。「都預左喇,下年應該喺監獄入面。既然年輕人已經付出左,我都要有準備。」

月前的遊行中,有市民贈送囚衣予戴耀廷,他笑著接受。「都預左喇,下年應該喺監獄入面。既然年輕人已經付出左,我都要有準備。」

20/8 聲援政治犯遊行(一)

戴耀廷:我認同公民抗命,就要實踐,不想坐在冷氣房指指點點

「我以前都鍾意咁做。咁樣最安全,贏取最多掌聲。」

* * *

記者連番包圍戴耀廷,問的都是同一件事。

廣告

「我仍然好堅定相信,司法獨立仍然存在。三位法官都係基於對法律嘅獨立理解判案。只不過終審法院首席大法官馬道立講過,法律條文背後有法律精神,有公平公義,尊重市民尊嚴。三位法官似乎未全面體現到。」

「作為法律專業,就係要了解法官裁決嘅理據,提出意見。批評完全冇問題,但如果將法官裁決同佢個人生活扯上關係,咁就唔好,會損害公眾對司法嘅信心。」

廣告

「我會好清楚講,我唔同意上訴庭法官一啲觀點,未能充分顧及公民權利和公民抗命。但我唔會指罵任何法官受任何政治影響。」

* * *

他回應石永泰種種批評。

「我已經自首,亦將會受審。如果起訴我地嘅係非法集結,我地一定會承認。但而家起訴我地嘅係相當空泛嘅罪行,公眾妨擾。我擔心原來空泛嘅罪行,被政府用嚟打壓異見,變成內地嘅尋釁滋事罪,咁就唔只係個人得失,必須要抗辯。」

「一個學者當然可以好舒服匿係辦公室,左摑一巴,右摑一巴,你又唔啱,佢又唔啱,我最聰明我最啱--其實我以前都鍾意咁做。咁樣最安全,贏取最多掌聲。」

「但作為一個學者,我唔想知識停留喺象牙塔。我想真係用到知識,推動社會進步。我唔想坐喺冷氣房冷眼旁觀:『你地都唔係好啱』。」

戴謂自己沒有創意,所有公民抗命的概念都「抄襲」自馬丁路德金。當年他亦受過同樣指責:希望秉持非暴力抗爭,但最終衍生暴力衝突*。

「你話我書生論政、角色衝突,冇問題。我只係按住自己良心,實踐作為學者應該要做嘅事。」

 

(註:據《伯明翰監獄來鴻》,馬丁路德金這樣回應批評:「假如這非暴力哲學至今未誕生,那麽我肯定此刻南方許多街道已血流成河。而且我更確信,假如我們的白人弟兄把我們斥爲「暴民煽動者」和「外來鼓動家」。。。拒絕支持我們的非暴力鬥爭,那麽數以百計的黑人出於沮喪和絕望,將從黑人民族主義思想中獲取安慰和保護,這一發展趨勢不可避免會導致恐怖的種族對抗惡夢。」)

作者 facebook

發表意見