林彥邦

林彥邦

傳媒人,涉足報章、電台、電視,沉迷文字,喜愛說故事,希望成為擅長說故事的人。

2018/1/12 - 21:17

答阿基問「我衰喺邊?」

圖為十多年前《都市閒情》,「鬥戲連唱鬥一番」參賽者阿舜被藝人江華指點的一幕。(whatscap圖片)

圖為十多年前《都市閒情》,「鬥戲連唱鬥一番」參賽者阿舜被藝人江華指點的一幕。(whatscap圖片)

民主派星期日初選,聞說、好似話,阿基有機會喺九西跑出,咁就真係九西啦。

好記得阿基8月做專訪,話叫人話佢知,自己「衰喺邊」,大佬,你就係衰喺而家都唔知,自己衰係邊。

第一衰:食相難睇

廣告

當日游梁DQ,阿基已經猴禽猴急撲出嚟話要選,搞舊「黨內初選」出嚟,哈,佢係唯一候選人。

議席人人都想要嘅,食相難睇到阿基咁,睇怕都得范國威有得比。

第二衰:次次錯判

2012年離開九龍西老巢,走去選超區,結果後欄失火九西無咗個位;2015年區選又後欄失火,區議員都輸埋;超區無得連任,又空降去新界「攬炒」,話要複製新東奇蹟喎。

今次又話要搵個最有勝算嘅民主派,岩呀,不過唔係你囉好無。

第三衰:應退不退

由民主派「大黨」到「紮根九西」,又傾又砌做咗幾廿年山寨王,收夠籌就好走啦,搞到而家成個民主派一齊柴你台,出PO話要對抗你租車送人去投票,知唔知個醜字點寫?

都仲未計,阿基話要堅持信念,擔當重要角色,加入臨時立法會算唔算係重要角色?

阿基近排話自己係政壇李克勤,我係李克勤我就出律師信告佢誹謗啦;至於話自已踢進攻中場嚟講,其實而家打緊仗唔係踢波,況且球壇「名宿」都係講波好過落場踢,你仲有無見亨利踢阿仙奴?(sorry亨利,同埋亨利都係前鋒)

其實諗深一層,阿基跑出都無壞,反正議事規則已改,無所謂關鍵少數,到時大家自然會全家總動員,投鄭泳舜又好,唔投票又好,等阿基打破「單對單必勝」謎思,正好可以為阿基嘅政壇生涯劃返個完美句號。

一個議席、換阿基告別政壇,呢單雕有得諗呀喂。

 

(標題為編輯所擬;原刊於作者 facebook