朝雲

朝雲

左膠

2018/3/12 - 14:49

民主派慘敗 補選兩席不保

區諾軒

區諾軒

12/3 灣仔會議展覽中心

民主派慘敗,補選兩席不保

* * *

儘管區諾軒獲勝,但他幾乎毫無笑容。

廣告

區的太太與父母,都一直在點票中心守護在側,守候結果。

區母說他的政治啟蒙來六四。父母帶時值中五的兒子參與燭光晚會,直至晚會完結,他依然不願離去,從此與政治結緣。「佢本來冇諗住選,臨危受命嘅啫。」

另一邊廂,工聯會黃國健到公眾區省視,笑容掛面,對成績甚為滿意,向身邊的同伴說:「好威架喇,有交待。」

* * *

馬嶽

問:可唔可以形容民主派大敗?

馬嶽:我會講挫敗。差距縮窄好多,區諾軒得票率僅僅過半,只係贏對手 3%。當雙方都唔係明星,單對單民主派已經冇優勢。

對我地嚟講 DQ 應該好㷫,但似乎唔係,單打 DQ 議題,動員唔到大量選民。對方搶奪中間選民嘅能力更強,資源更多。

* * *

問:好少人諗過九西會輸。上屆選舉民主派得票超過 12 萬。民主派嘅人選同策略有冇失誤?

馬嶽:計埋游蕙禎、黃毓民超過 16 萬。

仲可以派咩人呢?我唔覺得馮檢基,袁海文會贏。除非派政治明星,但嗰個世代已經退哂。

冇人可以攞到成個光譜嘅飛。我分析係姚攞到年輕票、本土票,但攞唔到中間票、基層票。高估左佢知名度,基層選民唔太識佢。

亦唔可以賴其他政黨,民主派嘅實力本來就係咁多。就算唔計啟晴、德朗,好多區都輸幾十票、一百票左右,除左美孚之類,輸嘅區比贏嘅多。

* * *

問:上一次新東補選,楊岳橋得票 16 萬;今次補選范國威得票 18 萬。若干本土派嘅焦土呼籲,對現實有冇影響?

馬嶽:係有,不過梁天琦六萬幾票唔會全部消失。

鄧家彪只係攞番周浩鼎嘅票,到此為止。而方國珊又攞到中間選票,兩邊選票都食左,抵消左不穩定因素。

但范國威嘅得票率只有 45%,係三區民主派中得票率最低。上次補選非建制(民主派 + 本土派)得票率有 52%,而家流失左好多票。

* * *

問:民主派表現非常之差,下次補選要點改變?

馬嶽:首先仲未知劉小麗、梁國雄可唔可以選。民主派要有更好嘅協調,唔好以為單打 DQ 可以贏。

人選困擾左民主派一段日子,推遲左競選工程。對方食髓知味,下次一定再用依招。

 

作者 facebook