朝雲

朝雲

左膠

2018/8/7 - 11:04

吳靄儀:你有無力感,因為你想有無力感

眾新聞、立場新聞合辦《拱心石下》新書講座

吳靄儀:各位朋友,你有無力感,因為你想有無力感。

* * *

廣告

吳靄儀說:「而家嘅人冇我地依代人咁硬頸。因為而家喺 facebook 成日俾人鬧,個個人都冇乜自信心,啲 like 咁緊要。好僥倖我從來冇依啲嘢,冇人 like 我。」

「對周圍嘅人係咪 like 你咁著緊,自信心自然愈嚟愈低。我地要返番去第一個原則:係咪憑良心做事,係咪好堅定好誠實睇自己做嘅嘢啱定唔啱,唔啱就要改正。有信心嘅時候情況就會改變。」

吳憶述自己仍在政壇,有律師嘗言不再投票給她,謂其公民黨友李志喜,協助菲傭爭居港權。吳反問這類官司,最好找哪位大律師,律師坦誠答李志喜。

「可唔可以因為選情唔接呢,梗係唔可以啦。」雙方都明白律師操守,吳不解對方為何不忿。律師解釋:「我老婆唔明呀。」

同理,吳也很奇怪政府欲取締民族黨,媒體頻頻問她「國家安全」的法律定義。「維護國家安全係咪有必要取締民族黨?點解唔問警方根據?點解唔問常識?」

是故吳靄儀和李志喜都提到游蕙禎不僅被 DQ,輿情更鋪天蓋地,罵她咎由自取。昔年為居港權案挺身的貝嘉蓮(Pam Baker)律師亦遭同樣待遇(詳見《拱心石下》第三章)。

「如果基本法一個咁清楚嘅權利都可以踐踏,有乜嘢其他權利唔可以踐踏?」

「點解唔夠膽去維護?一句話都唔出聲?依個就係(法治)衰亡嘅開始。有人做嘢係啱嘅,出嚟支持佢,出句聲支持佢。」

「強權打得最犀利嘅係軟弱嘅人。你以為唔出聲就會好,不是。我地對緊無賴嘅強權,蝦蝦霸霸嘅人最鍾意蝦怕事嘅人,愈怕事愈蝦你,一定要堅強企起身 ... 否則你會不斷讓步到自己冇得企為止。」

但吳亦點出,司法覆核未必解決到政治問題,太依賴司法覆核其實是死胡同。「我地廢嘅咩?」

她批評「人人翹埋雙手,只需要喺 facebook 鬧人就得。」首要矯正「冇用」就「算啦」的態度。哪怕遭挫,所有努力歷史都會「記錄在案」。比如司法覆核即使敗訴,若干判辭也有進步;昔年 23 條立法亦然,他們本料定會輸。

「唔好睇小自己選票嘅力量;唔去睇小身水身汗遊行嘅力量。。。要出盡全力,令佢(政權)付出代價,唔可以咁輕易。當你接受『冇辦法』、『係咁架啦』、『一日都係邊個邊個唔好啦』... 周樣嘅事只會接二連三。」

「而家最大嘅禍害就係『無力感』。我唔相信冇力感,我覺得依啲係懶惰。」

「各位朋友,你有無力感,因為你想有無力感。點解你想有無力感--嘅然無力就唔駛做嘢。」

最後吳反對「傘運失敗論」。「當全世界都向崛起嘅大國跪拜,有班後生仔向北京說不:我要命運自主,震撼全世界,永遠無法磨滅。你話雨傘運動失敗?我一啲都唔信。」

* * *

在書展的講座中,《拱心石下》的編輯披露,吳靄儀寫書時仍用紙筆撰稿。因其中一章牽涉太多法律,編輯原擬潤筆加點感性敍述。吳斷然拒絕,在原稿紙寫下:

「請收起無謂的淚水!!!」遂作罷。