立場新聞 Stand News

煙腸

2018/6/28 — 15:27

資料圖片,來源:burst.shopify.com

資料圖片,來源:burst.shopify.com

【文:若水】

話都冇咁快,又到暑假。

六七八月永遠係唔會有人做嘢嘅季節,啊 Sorry,係無人有心做嘢嘅季節先啱。點解?好簡單,當你 send 親出去嘅 email 永遠都係收到「I will be out of office from XXX to XXX and will only have limited access to my mailbox」嘅時候,你就知你啲 clients 依家應該好努力咁係馬爾代夫度同陽光玩緊遊戲,而唔係出緊 business trip。

廣告

又或者,你係 office 坐到五點幾好勤力喺到扮工嘅時候,個 MD 突然攞住件西裝好風騷咁行過嚟,同你講 「Don't stay too late kid」嘅時候,你感覺到 for once he actually means it。

當然,仲有多咗好多同你一齊等𨋢返公司嘅新面孔。因為佢哋,突然之間你同隔籬組平時唔知講咩好嘅同事,係 pantry 撞到嘅時候突然多咗個可以令你哋雞啄唔斷嘅話題…

廣告

對,係偉大嘅 intern 啊。

Intern 係一種好有趣嘅生物。望住啲入世未深嘅小羔羊,你喺佢哋嘅臉龐上會見到久違了對工作的盼望和憧憬。佢哋個個返工之前,都一定已經將《Suits》或者係《Billions》又頭煲到落尾再煲翻上頭,由衷咁以為自己系出長春藤名門,又係中環返工就要好似 Harvey Spector 咁一個打十個。Or better yet,睇完 TXB 個套點金咩咩,真係以為自己係 banker 就萬能。見到佢哋,只能說一句,少年你太年輕了。

有日返到公司望望隔籬,見到我哋 team 個 summer intern 望住張 spreadsheet 喺度埋頭苦幹緊。呢個 intern CV 就真係無敵,喺間讀英國最出名讀經濟嘅名牌大學主修經濟,做過學生組織幹事,predicted 一級榮譽畢業,真係冇得輸,at least on paper。

不過有一日返到公司,望過去關心下個 intern,驚見佢兩隻眼腫到好似比人打咗幾拳咁,十點幾已經飲咗第二杯 nespresso。難道佢星期二晚都走咗去蒲?

「Jon,噚晚好夜瞓啊?」「係啊,」Jon 望過來,一臉尷尬又有點難為情。「噚晚邊度玩啊,星期二晚都去玩你班 intern 真係 keen。」講到此處,Dorky 雙面漲紅,開始吞吞吐吐。「其實我噚晚喺到 sort 緊個database…唔好意思,我聽日之前一定整好俾你。」

吓唔係掛,叫你喺個 database 度 sort 個 mailing list 出嚟,要搞咁耐咩?

「唔好意思啊,我平時其實唔係好用 excel…」

Are you kidding me?! 堂堂大學生,excel 都唔識用?我嘆咗一口氣。咁你噚晚幾點走啊?三點幾囉,好彩我都唔係自己喺度,隔籬個 intern Henry 兩點幾仲喺公司 send 緊 email… 不過佢早我半個鐘走咗。講到嚟呢度,佢面上竟然浮現了一絲得戚。

咁你份 powerpoint 改成點呢?我改緊,不過有小小難度,因為我唔係好慣啲簡體用詞…

傻豬,真係傻豬。

問題一:鬥 facetime

坦白說,請得個 intern 返嚟其實唔會 expect 你做好 advanced 嘅東西,所以如果你連咁簡單嘅嘢都做到三更半夜,看來你都應該唔會聰明得去邊。如果你係啲 task 一早做完,留喺 office 只係為咗唔好早過其他 intern 走嘅話,咁麻煩你由今天起唔好再咁做。只要大老細走咗,nobody cares about facetime anymore。

問題二:學位和工作現實脫鉤,GPA?食得㗎?

有時名牌大學真係唔係咁重要。就算你哈佛 GPA 4.0 再加 undergrad 已經幫過 professor 出 paper 都好,工作環境其實唔需要你識好 advanced 嘅 academic theories。如果讀緊呢篇文章嘅你仲讀緊大學而又想在光怪陸離的金融界打滾,咁就麻煩你唔好掛住考試拿 100 分拿 first hon,練好啲 excel powerpoint先…

問題三:唔(多)識簡體

時移勢易,在以前的金融界如果你去過外國讀書然後學得一口流利的美國腔,你將平步青雲。依家,你試下聽啲 elevator small talks,十不離九都係講緊普通話。如果你自問普通話還沒到家,那就煩請你多啲煲下《三生三世十里桃花》好好學習學習。如果你連《三生三世十里桃花》都唔知係咩,咁你可能要考慮下其他行業。

聽到呢度,我對住 Jon 微微一笑,啪啪佢膊頭叫佢加油。睇嚟我去到 pantry 又同啲同事多咗啲 common topics。

 

作者自我簡介:一個在光怪陸離的金融世界中載浮載沉的九十後憤青

發表意見