立場新聞 Stand News

每次阿仔嘅同學仔聚會 總係感受良多

2017/11/8 — 16:13

//每次阿仔嘅同學仔聚會,總係感受良多。//

//每次阿仔嘅同學仔聚會,總係感受良多。//

做人老豆其中一樣最心寒嘅事,係你發覺一啲拖累咗你好多年嘅人性弱點,喺自己個仔身上同樣發現得到。你回想起自己當日用咗幾大嘅力氣先至克服得到呢啲弱點,望住同你有一模一樣問題嘅阿仔,其實有時,都幾擔心。

***

每次帶阿仔參加啲同學仔嘅social gathering時,總係見到,好多家長堅係盯得個仔好實。雖然都只係六、七歲人仔,但當佢地成班男仔都已經玩埋一堆嘅時候,係咪仲需要跟得咁實呢?男仔之間時有碰撞磨擦,我估佢地喺學校都有唔少啦,只係當佢地一有些少爭執磨擦之時,一班家長就即刻衝去介入調停…小朋友事小朋友了吧,我地做大人的,其實有乜必要事事介入?而且,一班男仔,好多事打過鬧過先做得成兄弟的。唔知點解,我總係覺得,依家好多人都習慣將個仔當成個女咁教…

廣告

***

學校係社會縮影,社會上面,有人飾演技安,有人會做大雄,也會有人做牙擦仔阿福。其實,做是但一個角色,在家長嘅眼中都係唔多妥的…人人都期望,個仔響學校裡面可以跳出上面嗰三個角色,但除咗嗰三個角色以外,查實仲有啲咩呢?莫非要做男仔version嘅靜宜?還是認為孩子有本事做叮噹?

廣告

男仔version嘅靜宜…最後通常都係變成大雄的。

每次阿仔嘅同學仔聚會,總係感受良多。

發表意見