假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/3/22 - 12:39

脫歐最新 Judgement Day:4.12

歐洲議會位於法國史特拉斯堡(Strasbourg)的會議廳(資料圖片,來源:Artur Roman @Pexels)

歐洲議會位於法國史特拉斯堡(Strasbourg)的會議廳(資料圖片,來源:Artur Roman @Pexels)

歐盟同意押後脫歐日期,係咪一天光哂?當然唔係

歐盟方案有兩部分,一係如果英國國會盡快通過脫歐方案,可遲於 5 月 22 日先脫歐,但如果未能盡快通過,最遲 4 月 12 日再申請押後脫歐,否則就會硬脫歐。

即係,實際上決定點樣脫歐的最新 Judgement Day 係 412。329 變成 412,多咗兩個禮拜咁多,真係多謝哂。

廣告

點解係 412?因為歐盟 5 月其實要舉行歐洲議會,連帶歐盟委員會的換屆選舉,如果遲過 6 月脫歐(新一屆議會/委員會 7 月上任),英國應該要選埋一份,所以 5 月選舉前要做決定。

咁其實即係話比仲未肯支持 May 姐脫歐方案的硬脫歐/留歐派聽:如果 412 前通過唔到方案,可能就索性冇脫歐的了。又點解?因為軟脫歐派(支持 May 姐方案者)同留歐派肯定會反對硬脫歐,所以如果 412 都通過唔到方案,肯定會再申請押後脫歐,咁就要參加下屆歐盟選舉,咁就押後到無了期咁耐都冇所謂,反正都冇咗要喺下屆歐盟選舉前解決依樣考慮。然後押完一次,再押多次又何妨?整整下可能越押越後,跟住整整下索性唔脫歐了。

仲有留意,歐盟同 May 姐都冇提改變脫歐方案內容,即係今次係 May 姐同歐盟夾埋「挾」硬脫歐者盡快轉態支持 May 姐方案,否則就可能永冇脫歐,either this or no Brexit。所以依家關鍵就係挾唔挾到佢哋,同埋挾到之餘夠唔夠票。我估會挾到唔少硬脫歐者轉態,但夠唔夠票通過都仲係難講,因為全個保守黨 + 北愛民統黨加埋都只係僅僅過半,只要少數人唔肯跟大隊投票就會失敗。只可以講,412 前就知結果了。

 

作者 Facebook