2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

蘋果日報捉妖股,有冇計漏壹傳媒

2017/5/28 — 13:17

壹傳媒股價圖

壹傳媒股價圖

股壇長毛David Webb早前發表一份港股黑名單,蘋果日報捨人牙慧,選出30隻不宜沾手嘅香港股票,選取標準主要係股價在一年內大幅下跌、股份喺中央結算內高度集中,以及不斷配股抽水。

入圍嗰30隻股票,1年平均下跌幅度28%,有7成公司喺中央結算個倉位高達89-100%,9成公司過去兩年平均都有配股。蘋果叫呢幾十間公司做「不能買的港股」,Loser有朋友睇完就話,佢哋有冇計漏咗自己母公司壹傳媒(0282)呀!

過去Loser對壹傳媒搞網上業務及動新聞都頗欣賞,但搞咗多年毫無起色,再聽朋友嘅故事,對呢隻股票都改觀。

廣告

壹仔股價跌足十年

原來朋友喺2012年揸咗壹傳媒,當時高位曾見1.76元,壹傳媒上周五收3毫4仙,5年間股價年年下跌,足足跌咗8成,跌幅係咪仲大過啲妖股。攤長啲睇,你揸住啲賊股,當莊家收夠貨或賣盤,個別都可能有翻身機會;但你揸住壹傳媒,呢十多年簡直係不見天日,06年最高股價4個6,到今天跌咗9成2,可以講輸死人。

廣告

好喇,蘋果話啲衰公司股權高度集中,換個角度睇,壹傳媒啲股份集中度亦不低。港交所股權披露顯示,David Webb持有5.02%股份,另有72.6%喺非中央結算手上,估計應係集團大股東黎智英或相關人士持有,將呢兩方嘅股份相加,都接近8成喎。

虛假新聞等同賣假嘢

至於經常配股抽水,壹傳媒就真係冇乜,之但係考慮到呢隻股票涉及嘅誹謗官司,風險度可以講十分高。遠嘅唔講,就係舊年跟霸王單官司,已經賠咗300萬,另外訟費千八萬;至於每年集團涉及幾多誹謗訴訟,雖然冇正式統計,但從媒體零散報道,十單八單都應該走唔甩。

坦白講,作為媒體機構,賣嘅就係資訊,新聞就係你嘅產品,而多年來,集團時有涉及虛假或自製新聞,如潘迪生患癌、霸王致癌,刊發呢啲不實報道,同一啲公司賣假嘢冇乜分別,做假嘅公司你話係咪值得投資?應唔應該列入黑名單?自行判斷喇!

發表意見

相關文章