立場新聞 Stand News

若加息要讓小存戶能受惠,點解咁mean?

2018/9/27 — 19:58

資料圖片:銀行服務

資料圖片:銀行服務

一如「市場預期」,三大發鈔銀行同時加P,同時加儲蓄存款利率,雖然唔係同時加0.25%,但都同時加0.125%。我對銀行加息與否絕無意見,只希望銀行能把其「商業決定」背後的論據說得清楚一點,讓所有持份者都覺得公平,讓各界都信任這是商業決定。這兩點對香港作為國際金融中心非常重要。

根據傳媒報導,銀行解釋加P是考慮一系列因素,純粹從專業用語水平,我覺得值好高分,有兩個攞分位:

第一是大包圍,把所有可能相關嘅因素都講成考慮因素,等於無講過,但聽起來好舒服。不過如果有人認為銀行加P唔公道 (例如股東認為銀行加P有損利息收入,質疑銀行董事局沒有照顧好股東利益),要求銀行出示決策紀錄,看看它們就着每一個因素,是在甚麼「時間」、按甚麼「事實」、做甚麼「考慮」,希望銀行到時有貨交。

廣告

第二就是在眾多的理由當中,包括了一個真的是真的而且合理的理由,就是「存戶感受」。銀行強調資金充裕,解釋為何以前沒有跟美國加息,再推展出去,銀行應該講「但依家資金已經唔充裕,所以今次要加」。可惜這句銀行似乎講唔出口,所以啲紋理唔係好順。 不過銀行用「存戶感受」搭夠,即是話資金充裕以致利息偏低,所以加0.125%,讓小存戶能受惠。這點我舉腳贊成。

作為負責任和專業的銀行,平衡各方包括小存戶的利益,所以加0.125% (甚至0.25%),我認為這說法即使面對股東仍能講得過去。只有一個問題:如果要讓小存戶分享,點解咁mean,結餘少過五千港元就無得受惠?

廣告

作者facebook 專頁

發表意見