立場新聞 Stand News

不能因 HIBOR 上升就話銀行應該加 P

2018/10/3 — 19:10

中環銀行區(資料圖片,來源:政府新聞處)

中環銀行區(資料圖片,來源:政府新聞處)

2008 年金融風暴之後,由於各國的量化寬鬆政策,全球銀行體系嘅結構都起了根本性的變化,已不能再用舊智慧分析問題。看這篇報道,發覺做金融研究嘅人都似乎唔理解,所以忍唔住表達一下,請自行選擇信邊個。

簡單講,08 風暴之前,銀行體系內的資金流轉好暢順,HIBOR 和定存利率的關係比較緊密。如果 HIBOR 升,定期存款利率會跟住升。定存息高了,客戶就盡量將往來和儲蓄存款轉出去做定期,所以銀行要加 P。

08 風暴之後,環球銀行體系的存款大幅增加(這現象比較技術性,將來有機會才解釋背後理由了),相反同業之間拆借的需求減少了。因此,銀行同業拆息(不單只 HIBOR,乜 BOR 都面對同樣情況)和定存利率的關係大大減低了。

廣告

近一年多,HIBOR 升了這麼多,如果係以前,銀行加 P 好合理。但今時唔同往日,家陣定存利率跟得比較慢,最新數據都仲未見到往來和儲蓄存款大規模轉走,所以才覺得大銀行加 P 有啲怪。

廣告

結論:不能因 HIBOR 上升就話銀行應該加 P;同理,不能因 HIBOR 回落,就話銀行加 P 過早。

(如果你唔係太明我講了乜,但對這題目有興趣,可以先再看看我 9 月 20 日的帖文,有問題就留言給我)

 

(標題為編輯所擬,原刊於貼地風管 Facebook 專頁

發表意見