立場新聞 Stand News

【任何仁效應!】創作人火速回應 藍血「任何家族」洗板

2018/11/5 — 16:40

消防處今日推出吉祥物「任何仁」,意指「任何人」都可以幫忙救火救人。「任何仁」係咪有助市民提升應急能力尚未可知,但「任何仁效應」率先啟動!多個創作人紛紛推出「任何仁」家族,實行「任何人」都整吉祥物!

消防處今日宣布,推出新的吉祥物「任何仁」,並開設 Facebook 專頁宣傳應急知識。藍色緊身衣加黑色短褲,十足阿凡達加超人的合體,「任何仁」的形象就好似漆黑中嘅螢火蟲一樣,咁鮮明,咁出眾,迅即成為網民熱議的話題。

多個創作人立即在社交媒體以圖回應。江記率先幫「任何仁」一變四,以綠色、黃色,紫紅色的變奏,令藍色的「任何仁」不再孤單。但大家覺唔覺得「任何仁」似曾相識呢,原來同江記幾年前創作嘅角色「真多Man」有幾分相似呢!

廣告

江記《真多Man!(1)人在漿糊身不由己》

江記《真多Man!(1)人在漿糊身不由己》

廣告

「中央聖學子」將「任何仁」的形象,應用於樹木,創作出著短褲的「任何樹」。「月巴氏」也將「任何仁」拿來同「月巴喵」 crossover,進化成藍身藍褲的「任何貓」,仲自稱係「任何仁」個 Friend!

唔好俾佢停!香港漫畫家 Cuson 應該最大犧牲喇!他將自己的漫畫形象填上「任何仁」的藍色,大肚腩之下當然唔少得深藍的短褲,並命名為「任何神」,非常有霸氣!

另一本地漫畫家 Nothing Serious 亦大讚「任何仁」夠曬勵志,並製作了高、矮版「任何仁」,寫上:「人生滿希望,只要你相信,任何仁都可以成為主角。」係咪即刻覺得「生命滿希望,前路由我創」呢!

 台灣漫畫家爵爵&貓叔都參一手!「奶茶通俗學 Milktealogy」更想像出外賣仔遇上任何人的浪漫情節,並形容成「9413嘅心跳邂逅」。

「任何仁」激起網絡世界的創意大爆發,唔知消防處會唔會考慮吓,好似 Anish Kapoor 咁,私有化呢隻顏色,索性 own 咗呢個咁出色嘅「任何藍」呢?

繼「任何仁」之後,DDED 推出公務撚系列「任何膠」。未有得會一會「任何仁」真人嘅大家,可以搵住「任何膠」過過癮先!

「任何仁」召喚林鄭!漫畫家 Lu Tang 的「任何仁」抽水林鄭早前自稱受到網絡欺凌。圖中藍色「任何仁」獨自縮在牆角,震住講:「林鄭,我呢啲就叫網絡欺凌嘞。」

仲有阿塗嘅「任何雞雞」趁熱鬧!

眼闊肚窄嘅大嘥鬼都換上藍色緊身衣同黑色短褲,「任何仁」嘅 Fashion Sense 沒法擋!

仲有仲有!東尼電機搵咗「任何仁」嘅近親,包括「蝦仁」、「杏仁」、「太古之達仁」、「透明仁」、「自己仁」等等。

發表意見